Tag Archives: diary

Labintatlong araw na akong nakakulong, hindi lang sa bahay kundi pati sa sarili ko. Hanggang ngayon hindi ko pa rin nahuhukay ang sarili ko. Lagi ko pa rin itong nilulunod sa telepono, at sa walang hanggang medya na nakapaloob dito. Ginagamit ko pa rin ito bilang isang mekanismo para layuan ang mga problema ko at mga damdaming binabaon. Hindi hinihimay, hinahayaang magkabuhol-buhol.